Lənkaran iqrtisadi rayonunda sorğu
Alman Texniki Əməkdaşlıq Təşkilatı (GTZ) və QİAM arasında bağlanılan müaviləyə əsasən Mərkəz sorğu aparmışdır. Sorğu Lənkəran iqtisadi rayonunun Lənkəran,Masallı, Lerik və Astara rayonlarında 90 müəssisə arasında keçirilmişdir. Sorğunun məqsədi sahibkarların,fermerlərin və işgüzar adamların fəaliyyətləri zamanı üzləşdiyi problemləri müəyyənləşdirmək və onlara əsaslanaraq Lənkəran biznes tədris Mərkəzinin bir illik fəaliyyət proqramının hazırlaması olmuşdur. Sorğu Alman Texniki Əməkdaşlıq Təşkilatı tərəfindən maliyyələşdirilmişdir.
Aparılan sorğu nəticəsində sahibkarların qarşısında duran ən vacib problemin maliyyə çatışmazlığı olduğu müəyyən edilmişdir. Maliyyə vəsaiti onların fəaliyyətinin genişlənməsi üçün zəruri olduğu müəyyənləşdirilmişdir. Sahibkarlar maliyyə resurslarının əldə edilməsi prosessində sənədləşmə probelmi ilə də sıx qarşılaşmaqdadırlar. Bu probelmlərlə yanaşı digər problemlərdə müəyyənləşdirilmişdir. Belə ki sahibkarlar bazrın araşdırılması ilə əlaqədar heç bir fəaliyyət göstərmirlər. Buna səbəb kimi marketinq fəaliyyətinin sahibkarlara verə biləcəyi üstünlüklərdən onların kifayət qədər məlumata malik olmamasıdır. Lakin sahibkarlar öz məhsul satışının artırılması məqsədilə reklam tədbirlərinin görülməsində çox maraqlıdırlar.
Eyni zamanda sorğu zamanı müəssisələrdə mühasibat uçotunun vəziyyəti haqqında məlumat əldə edilmişdir. Qarşıdakı illərdə ölkə səviyyəsində Milli mühasibat uçotu standartlarının tətbiqini nəzərə alsaq bu müəssisələrin də yeni sistemin tətbiqinin tədrisi ilə əlaqədar həyata keçirilən tədbirlərdə iştirakı vacib hesab edilmişdir.
Sorğu materiallarının araşdırılması nəticəsində müəyyən edilmişdir ki, müəssisələrdə informasiya texnologiyaları xüsusilə kompüterlərdən istifadə çox aşağı səviyyədədir. Fermerlərin isə üzləşdiyi ən böyük probelmlər dərmanların, texnika və texnologiyanın çatışmazlığı, torpaqların su ilə təchizatını təmin edən irriqasiya sistemlərinin mövcud olmamasıdır.
Sahibkarlar öz fəaliyyətinin daha səmərəli təşkili üçün aşağıdakı xidmətlərdən istifadə etmək niyyətini bildirmişlər :Bazarın araşdırılması,maliyyə vəsaitlərinin cəlbi və müxtəlif şirkətlərlə biznes əlaqələrinin qurulması,işçi heyətin müxtəlif ixtisasartırma kurslarına göndərilməsi və təlimlərin keçirilməsi və s.
Sorğu haqqqında daha ətraflı məlumat müxtəlif sahələr (sənaye,kənd təsərrüfatı,ticarət,turizm və xidmət) üzrə təhlil edilərək Alman Texniki Əməkdaşlıq Təşkilatı və İqtisadi İnkişaf Nazirliyinə təqdim olunmuşdur.
|
