Sahibkarlara Hüquqi Xidmət Mərkəzi 
"Regionların sosial iqtisadi inkişafı dövlət proqramının icrasına dəstək təşəbbüsü" konsepsiya çərçivəsində hazırlanan layihələrdən biri də Ağcabədi rayonunda Sahibkarlara Hüquqi Xidmət Mərkəzinin açılmasıdır. Bu istiqamətdə aparılan maliyyə axtarışlarının nəticəsində Açıq Cəmiyyət İnstitutu Yardım Fondu onlara göndərilən məktuba müsbət cavab verərək adı çəkilən layihəyə maliyyə vəsaiti ayrılmasina raziliq vermişdir. Layihə 6 ay ərzində həyata keçiriləcəkdir. Layihənin əsas məqsədi yerli sahibkarların və sahibkarlıq təşəbbüsündə olan şəxslərin bu sahənin hüquqi tərəfləri barədə maarifləndirilməsi və hüquqi problemlərin həll edilməsində onlara müxtəlif xidmətlər vasitəsilə köməklik göstərməkdir. Mərkəz fəaliyyəti hüquqi məsləhət xidmətinin göstərilməsi,hüquqi problemlərlə əlaqədar şikayət və ərizələrə baxılaraq səlahiyyətli orqanlara ötürülməsi, müxtəlif mövzularda dövlət,özəl sektor və vətəndaş cəmiyəti nümayəndələrinin iştirakı ilə dəyirmi masaların təşkili və sorğuların
aparılmasını əhatə edir. Layihənin ümumi məbləği 6 min dollardır.
|
|
