Məlum olduğu kimi ölkəmizdə ÜTT yə qəbul olmaq istiqamətində bir çox işlər görülür . ÜTT -ə üzv olmaq istəyən ölkələr qarşısında mövcud sazişlərin icrası , qanunvericilik bazasının yeniləşdirilməsi və ticarətin liberallaşdırılması üçün tarif və qeyri tarif maneələrin aradan qaldırılması tələbini qoyur. Ölkəmizdə həmin tələblərin yerinə yetirilməsi istiqamətində bir çox işlər aparılır. , bunlardan biridə ticarət də texniki maneələrin aradan qaldırılması üçün mövcud standartlaşdırılma və uyğunluğun qiymətləndirilməsi sisteminin ÜTT nin Ticarət Texniki Maneələr sazişinin tələblərinə uyğunlaşdırılmalıdır. ÜTT- nin standartlaşdırma və uyğunluğun qiymətləndirilməsi və idxal-ixrac qaydalarının asanlaşdırılması istiqamətində müəyyən işlər görülsə də hələ bir çox problemlər həll olunmamış qalır. Bunu nəzərə alan Qlobal İqtisadi Araşdırmalar Mərkəzi 4-5 Aprel 2007 ci il tarixində Beynəlxalq ticarət , standartlar və TÜT: mövcud vəziyyət, problemlər və perspektivlər mövzusunda beynəlxalq konfrans keçirəcək . Konfransda Azərbaycanın TÜT əy üzvlüyü istiqamətində görülən işlər , ticarətdə texniki maneələr və onların aradan qaldırılması yolları, standartlaşdırma və uyğunluğun qiymətləndirilməsi sisteminin inkişafı istiqamətində aparılan işlər , kadr ehtiyatlarının gücləndirilməsi, informasiya yayımı və texniki dəstək və qanunvericilik bazasının təkmilləşdirilməsi, bu sahədə xarici təcrübənin öyrənilməsi, beynəlxalq standartların tətbiqinin genişləndirilməsi və .s məsələlər müzakirə olunacaq. Tədbirdə, Standartlaşdırma , Metrologiya və Patent üzrə Dövlət Agentliyi rəhbəri, Milli Məclisin İqtisadi Siyasət Komissiyasının sədri və digər üzvləri, Mədəniyyət və Turizm Nazirliklərinin nümayəndələri, Xarici işlər Nazirinin müavini , İqtisadi İnkişaf Nazirliyinin İstehlak Bazarına Dövlət Nəzarəti Xidməti İdarəsinin Rəhbəri, Kənd Təsərrüfatı , Sənaye və Energetika , Rusiyanın İqtisadi İnkişaf Nazirliyinin , beynəlxalq təşkilatların və özəl sektorların təmsilçiləri , xarici ölkələrin Azərbaycandakı səfirləri və səfirliyin nümayəndələri, yerli QHT-in rəhbərləri iştirak edəcəkdir. Konfransın plenar iclası sona çatdıqdan sonra bölmə iclasları ilə davam edəcəkdir. Konfransdan əvvəl məqalələr toplusu yığılaraq kitab şəklində çap olunmuşdur .
Tədbir Azərsun holdinq sirkələr qrupu və AzEvrotelin maliyyə dəstəyi ilə həyata keçirilmişdir.
