Son illər dünyada sosial – mədəni və siyasi – iqtisadi sferada informasiya kommunikasiya texnologiyalarının rolu get-gedə artmaqdadır. Belə ki, respublikamız müstəqillik əldə etdiyi gündən etibarən müasir texnologiyaların ölkədə tətbiqi sahəsində bir sıra iri miqyaslı tədbirlər həyata keçirilməkdədir. Məlumdur ki, neft kontraktları ölkəyə küllü miqdarda maliyyə vəsaiti cəlb etməklə yanaşı dünyada mövcud olan ən yeni texnologiyaların da Azərbaycana gətirilərək ölkə iqtisadiyyatına tətbiqinə şərait yaratmışdır. Əsrin kontraktının bağlanmasından keçən on il müddətində ölkə iqtisadiyyatının müxtəlif sahələrində o cümlədən İKT –nin də tətbiqinin genişlənməsi diqqəti cəlb edir.
Mərkəzimiz son zamanlar ölkə iqtisadiyyatında İKT-nin tətbiqi sahəsində görülən işlərin, əldə olunan nailiyyətlər mövcud problemlər və bu sahədə inkişaf perspektivlərini əhatə edən konfransın keçirilməsinə qərar verilmişdir. Məqsədimiz ondan ibarətdir ki, qeyd olunmuş mövzular ətrafında iştirakçıların rəyini dinləmək və onlar əsasında qeyd edilən sahədə görülən işlərin səmərəliyinin təminatı məqsədəuyğun tədbirlər planı hazırlayaraq icra etməkdən ibarətdir. Mərkəzimiz Rabitə və İnformasiya Texnologiyaları Nazirliyi
arasında əldə olunan razılığa əsasən təşkilatımız 22 May 2007-ci ildə
"Azərbaycanda informasiya iqtisadiyyatı: nailiyyətlər, problemlər və perspektivlər" mövzusunda praktik konfrans keçirmişdir. Tədbir iki seksiyadan ibarət olmuşdur. Konfransda yerli qeyri-hökumət təşkilatları, beynəlxalq təşkilatlar o cümlədən özəl sektor nümayəndələrinin iştirak etmişdir. Hazırlanan tədbirlər planı QHT-ları tərəfindən təsis olunmuş “İnformasiya Cəmiyyətinin İnkişafı “ Alyansının tərkibində yaradılan İKT qruplarının əsasını təşkil edəcəkdir.
